新民党立法会议员容海恩今日与同党嘅政策总裁袁弥昌拉埋天窗,成为立法会第一任任内结婚嘅女议员,一对新人今日下午喺尖沙咀半岛酒店摆四围酒席,宴请亲友。

新民党今日有大喜事,党友容海恩及新民党政策总裁袁弥昌拉埋天窗,作为新民党主席嘅叶刘淑仪当然好鬼开心,仲喺fb上载一对新人签纸、斟茶嘅相片。叶太引述Eunice爆料话Derek原来为咗追求她先加入新民党。

新民党立法会议员容海恩同该党嘅政策总裁袁弥昌下个月拉埋天窗喇!新民党主席叶刘淑仪刚刚向Emily证实咗呢个喜讯,接受访问嗰阵都难掩兴奋嘅情绪,重覆咗两次:「新民党嫁女喇!」

一对新人下午1点出嚟见记者,Emily问新娘子Eunice心情如何,佢话「原来结婚好忙,无谂过有咁多嘢搞」。Emily追问係咪因为筹备得太急所以赶,Eunice答,「唔係,我谂人人结婚都要安排好多嘢,例如宾客同场地」;至于新郎哥Derek就大讚老婆係佢「perfect
choice」。

叶太喺fb引述话,Derek致词时先感谢外父外母,将一个如花似玉嘅乖女儿许配畀佢,然后多谢叶太,Derek话:「多谢叶太,她两次改变了我的人生方向。」佢所指嘅「第一次」係加入新民党,「第二次」係结识Eunice,佢话多年来都寻寻觅觅,如今成家立室,终于找到人生真正方向。

叶太话,袁弥昌都係上年先加入新民党,话咁快就同
Eunice结婚,所以「姻缘真係天注定」。佢话,自己见证住两个人拍拖,上个月收到邀请,两人下个月结婚了,大讚二人「郎才女貌,大家高度相近,年纪又相近,好登对!」被问到作为「家长」有咩要同两位讲,叶太话Derek一向好乖仔,
Eunice同
Derek拍咗拖之后,工作都仍然係好认真,「希望两个选定咗对象,之后工作可以更努力,相信Derek会喺政策研究上帮到Eunice,希望两个人互相补足」。

立法会议员麦美娟係Eunice伴娘,佢话伴娘团有5人,主要係Eunice大学同学、朋友,又话大家都锡住Derek,「玩新郎」嗰阵只係叫佢做掌上压食生果,「香蕉同提子都唔少得啦」,笑言「做咗几下就放过佢」。

另一幕令叶太印象深刻,係亲眼见证Eunice向老爷奶奶斟「新抱茶」,其后在场众人起哄话叶太係这头婚事嘅「大媒人」,建议一对新人要向佢斟「新抱茶」,真係令佢受宠若惊,愧不敢当。

叶太又话自己唔係红娘,而係新民党桃花好旺,已经有6、7对人喺党内结缘,笑言有意者可以加入新民党沾沾桃花运。

至于其他宾客,大约喺11点到12点到现身,容妈妈话「非常满意女婿,畀101分」。而政界中人方面,当然唔少得新民党主席叶刘淑仪同副主席潘国山。

【多图:Emily Online】容海恩荣升袁太 袁弥昌讚老婆係「perfect
choice」

其他报道:六旬拾荒妇遭票控惹热论 邵家臻发英雄帖
邀食环署长体验拾荒一日

Emily问叶太对新人有乜祝福,叶太答「祝佢哋早生贵子啰」,又话送咗银行礼券比一对新人,等佢哋决定买咩心水。

【Emily Online】容海恩妈妈畀女婿101分 口密唔讲係咪做婆婆

其他报道:团体促正视人口贩运 李卓人:部分外佣过现代奴隶生活
保安局副局认有受害者但非普遍

其他报道:【Emily Online】容海恩妈妈畀女婿101分 口密唔讲係咪做婆婆

相关字词﹕容海恩 袁弥昌 叶刘淑仪 编辑推介

其他报道:999热线上半年接过百万来电 三分一属滋扰打错 警吁勿滥用

其他报道:网台主持郑永健贿选案 上诉庭拒批终极上诉申请

相关字词﹕emily online 容海恩 袁弥昌 编辑推介

其他报道:名校生涉偷拍同学裙底 认罪被告判儿童保护令
首次被告因证据不足获撤控

相关字词﹕容海恩 袁弥昌 麦美娟 叶刘淑仪 新民党 emily online 编辑推介

相关文章